ஆதவன் முன் அகல் விளக்கின் நாட்டியமா.?

ஆதவன் முன் அகல் விளக்கின் நாட்டியமா.?

விடுதலைக்காக நடந்த

வீரம் செறிந்த வரலாற்றை

கசடறக் கற்காமல்

வாய்ச்சவடால் காட்டுவது

ஆளுநருக்கும் 

அவர் வகிக்கும் பதவிக்கும் அழகல்ல..!

அரசு பதவியை

அனுபவித்துக்கொண்டு மக்களாட்சியுடன் மல்லு கட்டுவது பாசிசத்தின் பகல் கனவு..!

தேசப்பிதா காந்தியும்

நேதாஜி சுபாஷ் சந்திர போஸும் காங்கிரஸ் பெருங்கடலின்

நன்முத்துக்கள் 

என்பதை

கூவத்தின் தவளை அறியாது..!

உலக மக்கள் 

அகிம்சை ஆயுதத்தின்

வலிமையை 

உணர்ந்த காரணத்தால்

பூமிப்பந்தின் 

பல நாடுகளில்

நிறுவப்பட்டுள்ள

தலைவர்களின் சிலைகளில்

மகாத்மாவின் சிலைகள்தான்

அதிகம் என்பது பதிவாகி உள்ளது..!

வெள்ளையனே வெளியேறு

வேள்வியை அடக்க

இங்கிலாந்து நாடாளுமன்றத்தில் கருத்துக் கேட்கப்பட்டது..!

எதற்கும் 

யாருக்கும் அஞ்சாத

வின்சென்ட் சர்ச்சில்

எழுந்து...

"காந்தி 

துப்பாக்கியுடன் போரிட்டால் 

நான் 

பீரங்கியால் நசுக்கி இருப்பேன்..!அவர் 

பீரங்கிக் கொண்டு போரிட்டால் நான் 

விமானம் கொண்டு அழித்திருப்பேன். 

ஆனால்., 

ஆயுதத்தை கையில் எடுக்காமல் அகிம்சை, உண்மை என்று போராடுகிறார். 

இவற்றை 

மழுங்க வைக்கும் ஆயுதங்கள் உலகில் இதுவரை கண்டுபிடிக்கப்படவில்லை. அதனால் அவரிடம் 

பணிந்து போக வேண்டி உள்ளது"

என்று பகிரங்கமாக

ஒத்துக் கொண்டது

வரலாற்றில் பதிவாகியுள்ளது..!

சர்ச்சில் 

மற்றொருமுறை

நேதாஜி போர் வீரர்களின்

சாகசப் போர்

தந்திரத்தைப் பார்த்து, 

"தமிழர்களின் இரத்தம் நேதாஜியின் மூளையில் கட்டியாக உள்ளது"

என்று குறிப்பிட்டதற்கு

"தமிழர்கள்தான் பிரிட்டிஷ் ஏகாதிபத்தியத்தின் இரத்தத்தை குடிப்பார்கள்"

என சாட்டையடி பதில் கொடுத்தார் நேதாஜி..!

நேதாஜி, 

பர்மாவைத் தளமாகக் கொண்டு

படை திரட்டிக் கொண்டிருந்தபோது

ரங்கூன் 

*யார்க்* சாலையில் உள்ள,

விடுதலைப் போரில்

நாடு கடத்தப்பட்டு

இறந்து போன முகலாயப் பேரரசர் பகதூர்ஷாவின்

சமாதியில் இருந்து

ஒரு பிடி மண்ணை எடுத்து

தமக்கு மக்கள் அன்புடன்

அளித்தத் தங்கவாளின்

கைப்பிடியில் அடைத்து 

அந்த வாளினை

ஓங்கிப் பிடித்தவராக..,

"நம் வீரர்களின் நெஞ்சில் நம்பிக்கையும் அந்த மகானிடம்  இருந்தது போல் தேசபக்தியும் அணுவளவாவது இருக்கும் வரையில்  இந்துஸ்தான் வாள் மிகக் கூர்மையாக இருப்பதுடன் ஒரு நாள் லண்டன் வாசற்படியைத்ன தட்டும்"

என்று கர்ஜித்த

தியாக வரலாற்றை

யாகம் நடத்தி 

வெள்ளையனுக்கு 

வால் பிடித்தவர்களின் 

வாரிசுகள்

அறிந்திருக்க வாய்ப்பில்லை.

 நேதாஜி

"நான் மறுபடியும் பிறந்தால் ஒரு தென்னிந்தியத் தமிழனாகப் பிறக்க வேண்டும்"

என்று போற்றிய தமிழ் மண்ணில் சுபாஷ் சந்திர போசை தத்தெடுக்கும் 

ஆளுநரின் முயற்சி பலிக்காது..!

தமிழகம்

வீரம் விளையாடும் பூமி.,

கர்ஜனைகள் ஒலிக்கும் காடு.,

மொழி காக்க 

மூச்சை முடித்துக் கொண்ட

தியாக மறவர் கூட்டத்தின் 

பாடி வீடு..!

நரிகளின் ஊளை நாடகம் அரங்கேறாது..!

அடக்கப்படும்..!

மூட்டையைக் கட்டு..!

நடையைக்கட்டு..!

வாலாஜா ஜெ.அசேன், Ex.MLA