காளைகளை அடக்க ஜல்லிக்கட்டு..!
மதவெறி அரசியல் ஆதிக்கத்தை அடக்க மல்லுக்கட்டு..!
காளைகளின்
திமிலைப் பிடித்து
திமிரை அடக்கும்
ஜல்லிக்கட்டு விழா
முடிந்து விட்டது..!
அடங்காத
ஆதிக்க வெறிபிடித்த
ஆட்சியரின்
பிடரி பிடித்து அடக்க
மல்லுக்கட்டு விழா (2024)
தொடங்க உள்ளது..!
அடுத்தக் குடியரசு நாளை
கொண்டாட முடியுமா..?
ஜனநாயகம்...,
மக்களாட்சி..,
மங்கி மரணித்து விடுமோ..?
துயரக் கேள்வி
இதயத்தைத் துளைக்கிறது..!
ஜனநாயக மலர்க் காட்டை..,
மதவெறி வேட்டைக் காடாக்க
கங்காணிகளின் கையில்
ஆட்சி அதிகாரம்..!
அரசியல் அமைப்புகளை ஏவி அடக்குமுறை ஆட்டம்..!
சட்டங்கள்
நூலறுந்த பட்டங்களாக பரிதவிக்கின்றன..!
மாதங்கள் பல கடந்தும்
இந்தியாவின் அங்கம்
மணிப்பூரில்
துப்பாக்கித் தோட்டாக்களின்
ரத்த தாகம் தணியவில்லை..!
மோடி ஜி யோ...
ஒரே நாடு
ஒரே மொழி
ஒரே சட்டம்...
என ஒய்யார பாட்டிசைத்து
ஓய்வெடுக்க லட்சத்தீவில்..!
ஒற்றுமைக் கொடிபிடித்து
நீதிக்கான நெடும் பயணத்தில்
மக்கள் தலைவன் ராகுல்ஜி..!
6713 கிலோமீட்டர்..
100 பாராளுமன்றத் தொகுதிகள்..
15 மாநிலங்கள்..
மக்களின் இதயங்கள்..
சங்கமம் ஆகும் காட்சி...
ஊர்வலத்தின் மாட்சி..!
சிங்க நடையால்
தடம் போட்டுவிட்டார்..!
நாம்
அதில் வடம்
பிடிக்க வேண்டாமா..!
புரட்சிக் குயிலே...
பூபாளம் இசைத்துப்
புறப்படு..!!
மூடுபனியின்
நீடு துயில் நீக்கி
களம் காண்போம் வா...!
மீண்டும் ஒரு சுதந்திரப் போர் அழைக்கிறது..!
ஜனநாயகத்தைக் காக்க
தாயகத்தை மீட்போம் வா..!
வாலாஜா ஜெ.அசேன், Ex.MLA
.jpeg)
